புதுடில்லி: டில்லியில் உள்ள 40க்கும் மேற்பட்ட பள்ளிகளுக்கு இ-மெயில் மூலம் வெடிகுண்டு மிரட்டல் வந்ததாக போலீசார் தெரிவித்துள்ளனர். மின்னஞ்சல் மூலமாக $30,000 அமெரிக்க டாலர்கள் கேட்டு மிரட்டல் மின்னஞ்சல் வந்துள்ளதாக கூறினர்.
டிபிஎஸ் ஆர்.கே புரம் பள்ளியிலிருந்தும் (காலை 7.06 மணி) மற்றும் ஜிடி கோயங்கா பஸ்சிம் விஹார் பள்ளியிலிருந்தும் (காலை 6.15 மணி) வெடிகுண்டு மிரட்டல் குறித்த முதல் எச்சரிக்கைகள் கிடைத்ததாக டெல்லி தீயணைப்பு சேவை (டிஎஃப்எஸ்) அதிகாரி ஒருவர் தெரிவித்தார்.
அந்த மிரட்டல் மின்னஞ்சலில் கூறியிருப்பதாவது: "நான் பல குண்டுகளை (டெட்டனேட்டர்களில் பயன்படுத்தப்படும் ஈய அசைடு, வெடிக்கும் கலவை) பள்ளி கட்டிடங்களில் மறைத்து வைத்துள்ளேன். சிறிய ரக குண்டுகள் பல பள்ளிகளில் மறைத்து வைக்கப்பட்டுள்ளது. இது கட்டிடத்திற்கு அதிக சேதத்தை ஏற்படுத்தாது, ஆனால் குண்டுகள் வெடிக்கும்போது பலர் காயமடைவார்கள். நீங்கள் அனைவரும் கஷ்டப்பட்டு அவயவங்களை இழக்க நேரிடும். எனக்கு 30,000 அமெரிக்க டாலர் கிடைக்காவிட்டால், நான் குண்டுகளை வெடிக்கச் செய்வேன்" என்று மின்னஞ்சல் மூலம் மிரட்டல் அனுப்பியுள்ளனர்.டிசம்பர் 8 ஆம் தேதி இரவு 11.38 மணியளவில் மின்னஞ்சல் வந்துள்ளது. மதர் மேரி பள்ளி, பிரிட்டிஷ் பள்ளி, சல்வான் பப்ளிக் பள்ளி மற்றும் கேம்பிரிட்ஜ் பள்ளி ஆகியவை குறிவைக்கப்பட்ட பள்ளிகளில் அடங்கும். மதர் மேரி பள்ளி முன்னெச்சரிக்கையாக மாணவர்களை வீட்டுக்கு அனுப்பியுள்ளது.
ஆர்.கே.புரத்தில் உள்ள டெல்லி பப்ளிக் பள்ளி மற்றும் பஸ்சிம் விஹாரில் உள்ள ஜி.டி.கோயங்கா பப்ளிக் பள்ளிகளுக்கு சில மாதங்களுக்கு முன்பும் இதே போல மிரட்டல்கள் வந்த போது அப்போதைய டெல்லி முதல்வர் அதிஷி வெடிகுண்டு மிரட்டல் விவகாரத்தை மத்திய அரசு முறையாக கையாளவில்லை என்று விமர்சித்திருந்தார், அதே நேரத்தில் முன்னாள் முதல்வர் அரவிந்த் கெஜ்ரிவால் மத்திய உள்துறை அமைச்சர் அமித் ஷாவை அந்த பிரச்சினையை தீர்க்குமாறு அழைப்பு விடுத்திருந்தார்.
ஆர்.கே.புரத்தில் உள்ள டெல்லி பப்ளிக் பள்ளி மற்றும் பஸ்சிம் விஹாரில் உள்ள ஜி.டி.கோயங்கா பப்ளிக் பள்ளி ஆகியவற்றில் முந்தைய வெடிகுண்டு மிரட்டல்களைத் தொடர்ந்து தற்போது இந்த மிரட்டல் சம்பவம் நடந்துள்ளது. ஜி.டி.கோயங்கா பள்ளி மாணவர்களின் பெற்றோரில் ஒருவரான விபின் மல்ஹோத்ரா, "எனது பிள்ளை பள்ளிக்கு வந்த அரை மணி நேரத்திற்குப் பிறகு, பள்ளி நிர்வாகத்திடமிருந்து எங்களுக்கு அழைப்பு வந்தது" என்று கூறினார். பள்ளிகள் விடுமுறை அளிக்கப்படுவதாக சம்பந்தப்பட்ட பள்ளி நிர்வாகங்கள் அறிவித்தன.
வெடிகுண்டு தடுப்புப் பிரிவினர், மோப்ப நாய் பிரிவினர் மற்றும் உள்ளூர் போலீசார் தேடுதல் நடவடிக்கைகளுக்காக பள்ளிகளுக்கு விரைந்தனர். "இதுவரை, சந்தேகத்திற்கிடமான எதுவும் கண்டுபிடிக்கப்படவில்லை" என்று ஒரு போலீஸ் அதிகாரி உறுதிப்படுத்தினார்.
வெடிகுண்டு மிரட்டல்களை கையாள்வதற்கான திட்டத்தை எட்டு வாரங்களுக்குள் உருவாக்குமாறு டெல்லி உயர் நீதிமன்றம் சில வாரங்களுக்கு முன்பு டெல்லி அரசுக்கும் காவல்துறைக்கும் உத்தரவிட்டது குறிப்பிடத்தக்கது.
Source ANI :